Kapaskuhan sa China

Halos 1% lang ang Kristiyano sa China kaya naman kakaunti o sa main cities lang ito ipinagdiriwang.

Kadalasang makikita lamang ang mga Christmas tree sa mga mall at tahanan ng ibang Kristiyano.

Marami rin sa kanila ang hindi alam ang ibig sabihin ng Pasko kahit pa halos lahat ng dekorasyong Pampasko at ma­ging Christmas tree ay gawa sa China.

Malamang na hindi rin alam ng mga tagagawa sa factory kung para saan ang mga plastik na punong ginagawa nila.

Ang Christmas tree roon ay kadalasang may dekorasyong paper chains, paper flowers at Christmas lights.

Tinatawag din nilang tree of light ang mga Christmas trees.

Kilala naman si Santa Claus na Sheng dan lao ren na ibig sabihin ay Old Christmas Man.

Kadalasan namang namimigay ng mansanas sa bisperas ng Pasko dahil sumisimbulo sa kapa­yapaan ang mansanas.

Ang popular na Christmas song sa China ay ang Jingle Bells.

Ngayon mas abala ang Chinese sa pagbebenta ng mga items.

Sinasamantala nila ang mga tourist o buyers na alam nilang mahihilig sa mga produktong Tsino. Kaya tambak ang mga mamimili sa Divisoria kung saan ang mga business Chinese ang nangu­ngunang suppliers ng mga sari’t samong items.

Kung palabas ang lahat ng pera ng mga Pinoy sa kabibili ng mga regalo, iba ang Tsino na mas iniisip ang mga pagkikitaan lalo na kapag holiday season.