Dalawang Penguin na ‘Beki’ Nangidnap ng Bata

Isang nakakatawang insidente ang naganap kamakailan lang sa isang zoo sa Denmark, sinubukan diumano ng dalawang beki na penguin na mangidnap ng batang penguin mula sa mga magulang nito.

Nakuhanan sa isang video ang mga pangyayari at kitang-kita roon kung papano pinagplanuhang salisihan ng dalawang nasabing penguin ang ­penguin couple.

Nag-swimming ang ina ng batang penguin habang ang ama naman nito ay tinignan ang iba pang itlog.

Doon na sinimulang hablutin ng mga beking penguin ang bata.

Ayon sa head keeper ng zoo, normal lamang sa kanila ang manguha ng mga itlog na hindi kanila, ang nakakatawa lang ay hindi na itlog ang kinuha ng dalawang penguin, kung hindi isa nang inakay.

Mating season ng mga penguin ngayon, pero ang dalawang ito ay tila naubusan ng kapareha.

Ligtas namang naibalik ang batang penguin sa mga magulang nito.