Anak ‘di boto sa manliligaw ni nanay

Dear Vanezza,

Dalawang taon na akong biyuda at may isang anak. Meron akong masugid na manliligaw na maganda ang trato sa aming mag-ina. Ang kaso ay hindi boto ang anak ko sa good catch sanang manliligaw ko. Pakiusap pa ng anak kong 10 years old na huwag daw akong mag-aasawa. Plano ko na sana siyang sagutin at nang may makatuwang na ako uli sa buhay. Paano na ba ang ­aking life?  Hindi na ba ako puwedeng magsaya?– Erika

Dear Erika,

Ikaw ang mag-isip kung ano ba ang mas mahalaga sa iyo, ang anak mo o ang manliligaw mo. Maaaring maghintay muna ng ilang taon kung kailan ready na ang anak mo. Madalas ay tama ang instinct ng bata sa intensiyon ng mga manliligaw. Puwedeng pakinggan muna ang iyong anak. Hayaang maghintay ang manliligaw kung totoo ang motibo niya sa iyo.

Sumasainyo,

Vanezza