Juancho, first time naging best actor!  

Nakabakasyon ang mag-anak na Trivinos, Juancho, Joyce Pring at ang baby boy nila sa Tokyo, Japan, nang matanggap ni Juancho ang magandang balita na nanalo siyang Best Actor for his stellar work as Padre Salvi in the historical fantasy portal series na Maria Clara at Ibarra sa 2022 TAG Awards in Chicago, USA, kaya nag-post muna siya ng pasasalamat sa kanyang Instagram: “I have done many roles in my life, but none like this. Playing Padre Salvi was such a leap of faith and trusting God’s plan for me.  Di ko alam kung paano sasabihin na maniniwala kayo, pero honored ako na nakatanggap na ako finally ng award for this role – after 10 years in the industry.

“This is a win not only for me, not only for my very supportive #MCAI family and the people that have helped me along the way, but also for Philippine culture in general. It’s a reminder that WE can do it, we can be proud for ourselves, our history, our literary works and where we came from, that we can produce top notch content that audiences will not only enjoy, but can also learn from. To God be the glory and praise. Thank you TAG Awards 2022 for this recognition.”

Pinupuri talaga ng mga netizen ang mahusay na pagganap ni Juancho as Padre Salvi, pero galit sila sa kasamaan niya bilang isang pari. 

Ang Maria Clara at Ibarra ay patuloy na napapanood gabi-gabi sa GMA-7, 8pm after ng 24 Oras.   

Ken, pinaghahandaan ang ‘mascot’

Nagbakasyon din ng ilang araw si Kapuso actor Ken Chan sa Bangkok, Thailand bago nag-Christmas, at mukhang back to work na siya ngayon, dahil inihahanda na niya ang panibagong project na gagawin niya, bilang isang actor at co-producer.

Dream project daw ni Ken ang movie, titled Papa Mascot na debut project naman ng WIDE International Film Production, in the field of entertainment.

“I am so blessed and happy to be working with these amazing actors that I dearly admire – Miles Ocampo, Gabby Eigenmann, Liza Dino, Alan Paule, Sue Prado and new child actress Erin Espiritu. Papa Mascot is to be directed by Louie Ignacio. Hindi na ako makapaghintay na mapanood ninyo ang pelikulang ito!”

Wala pang bagong series sa GMA Network na naibalita na gagawin niya, although every Sunday ay napapanood siya sa All-Out Sundays at waiting pa mga fans niya kung makakasama rin siya sa singing competition na The Clash 5.

Busy rin kasi si Ken sa kanyang restaurant na Café Claus na napiling Philippine Outstanding Brand of the Year 2022, at ang dalawa niyang iFUEL stations.