Andi at pamilya, normal na uli sa Siargao!  

Magbabalik na sa Siargao ang pamilya ni Andi Eigenmann pagkaraan ng ilang buwang paninirahan sa Manila. Hindi raw agad umuwi sila Andi pagkatapos tumama ang typhoon Odette sa isla noong December 2021.

Post ni Andi sa Instagram: “Last series of snaps with this concrete jungle as background. I know the scenic coconut trees will still not be as lush and green as it used to be, but to us, there’s just no place like home. Stay tuned, and join us once again as we hit the road and make our (long) way back home!”

Na-miss na raw ng pamilya ni Andi ang kanilang buhay sa Siargao. Kailangan na raw nilang i-rebuild ang buhay nila roon ulit dahil sa pagmamahal nila sa natu­rang isla.

Naging hit sa YouTube ang vlog nila na Happy Islanders dahil pinakita ni Andi ang simpleng buhay nila sa Siargao.

Nagpapadala rin ng tulong si Andi at ang partner niyang si Philmar Alipayo ng tulong sa mga nawalan ng kabuhayan sa isla dahil sa pagtama ng bagyo.

Ashley, emosyonal sa pagbibida

Hindi napigilan ng Kapuso actress na si Ashley Ortega ang maging emotional nang malaman niya na isa siya sa leading stars ng upcoming GMA Telebabad series na Widows’ Web.

Pagkatapos nga naman ng kontrabida roles na kanyang nagawa na, iba raw sa pakiramdam na isa na siya sa bida ng isang teleserye. Lalo raw na-excite si Ashley nang matanggap at mabasa na niya ang script.

“Actually when I found out na I have a new show then isa ako sa mga bida, naiyak ako. Promise totoo talaga. When my managers told me that I’m going to lead in a teleserye, naiyak ako because, of course, I’ve always wanted to be a leading lady. Tapos ngayon, they gave me an opportunity. The teleserye is super exciting, there’s a lot of thrill in the show. So, ginanahan talaga ako magtrabaho,” pahayag pa niya.

Para hindi raw magsisi ang GMA sa pagbigay sa kanya ng big break, hinanda raw ni Ashley ang kanyang sarili physically, mentally and emotionally.

“I have to put so much effort in it physically, emotionally, and mentally. Emotionally and mentally, kinailangan ko i-absorb ‘yung character ni Jackie and throughout the story, mayroon kasi siyang three phases sa life. So, kailangang makita ‘yung transitions ko do’n kasi iba ‘yung character ko do’n.

“And physically naman, I’ve just prepared by losing weight kasi I have to look mature on the show. Kailangang mawala ‘yung chubby cheeks ko, I have to act mature, I have to modulate my voice to sound mature. Ito na siguro ‘yung pinakama-effort kong pag-prepare sa isang character.”

Bukod kay Ashley, kasama rin sa Widows’ Web sina Pauline Mendoza, Vaness del Moral, at Carmina Villarroel.

Prince Charles at Camilla, naunang na-COVID

Pahinga raw muna si Queen Elizabeth II sa kanyang mga scheduled virtual events dahil nagpapagaling siya pagkatapos mag-positive sa COVID-19.

Inanunsyo ng Buckingham Palace na ang 95-year-old British monarch ay hindi muna mag-participate sa kanyang mga naka-schedule na virtual engagements.

“As Her Majesty is still experiencing mild cold like symptoms she has decided not to undertake her planned virtual engagements today, but will continue with light duties. Further engagements to be decided in due course.”

Bakunado at boosted na ang reyna at sumusunod raw ito sa safety guidelines.

Bago mag-positive sa COVID-19 si Queen Elizabeth, naunang ma-infect ng virus ang anak niyang si Prince Charles at sumunod ang asawa nitong si Camilla.