Kris, may dilemma sa pagpapakasal!

Hindi pa man nakakasal si Kris Bernal ay may dilemma na siya at ito ay kung paano hihiwalay sa kanyang pamilya lalo na nga sa kanyang mommy na laging nandiyan para asikasuhin siya.

Ibinahagi ni Kris ang larawan ng isang bare room na mukhang sa ipinapagawa nilang bahay ng fiancé na si Perry Choi. Sa caption ay naging senti ang aktres dahil nga malapit na siyang mahiwalay sa pamilya.

“I am 31 going on 32 and have lived with my mom, ALL MY LIFE! I’ve never experienced or tried living at a condo or any place, without my mom, EVER!

“When I get married, I know I would have to move out of my family home and establish a household of my own. Just thinking about it makes me emotional,” ang bungad ng caption ni Kris.

Ibinahagi rin ng Kapuso actress ang kanyang fears kabilang na ang separation anxiety at takot sa mangyayari in the future. Bukod dito ay nasanay na nga raw siya na laging kasama ang ina.

“So many emotions I feel about the prospect of moving out – sepanx over leaving my mom and brother, anxiety about the future, fear of the unknown, uncertainty over my decision making.

“Omg! Am I ready? I am so used to waking up with my mom around – being helped, assisted, guided every step, every decision I make! I’ve been spoiled!

“To those who had the same dilemma, how did you overcome it?” ang saad pa ni Kris using the hashtag #MamasGirlForever.

As we all know ay engaged na si Kris sa kanyang businessman boyfriend February of last year pa. Original schedule ng wedding nila ay May 2021 pero mukhang made-delay dahil nagpapagawa pa sila ng bahay. Ayon sa aktres, gusto raw niya kasi ay tapos na ang bahay once na nagpakasal sila para matirhan na nila agad.

Anak ni Yorme, ayaw tumira sa Malacañang

“Basta ako, mas pogi ako,” pagbibiro ni Joaquin Domagoso tungkol sa kanyang amang si Manila Mayor Isko Moreno.

Sa presscon ng First Yaya na first teleserye ni Joaquin ay natanong kasi siya tungkol sa isyu ng comparison sa kanila ni Yorme (tawag kay Mayor Isko).

Kidding aside, ani JD (nickname ni Joaquin), okay lang naman daw sa kanya na ma-compare kay Yorme since mag-ama naman sila and somehow ay in-expect na rin naman niya itong mangyayari.

Pero syempre, kahit mag-ama sila ay may kanya-kanya naman daw silang path and experiences.

When asked kung nakikita rin ba niya ang sarili na titira sa Malacañang kapag naging presidente ng bansa ang kanyang ama, diretsong sabi ni JD (nickname ni Joaquin) na ayaw daw niya.

“Sana po hindi, ayoko po talaga,” sambit niya.

Bakit ayaw niya?

“Baka mag-iba na po ang tingin ng tao sa akin and magiging mahirap ang buhay, eh. May bodyguard ka na lagi. Eh ‘di papano ‘yun? Papano ka makaka-enjoy ng buhay? Saka delikado,” aniya.

Alam ba ito ng daddy niya?

“Ayaw rin naman ng daddy ko na tumakbong presidente. Hanggang mayor lang po siya,” deklara ni Joaquin.

Samantala, excited and happy ang bagets sa kanyang first teleserye sa GMA 7 kung saan ay bibinyagan nga ang loveteam nila ni Cassy Legaspi.

Magsisimula na ang First Yaya sa March 15 sa GMA Telebabad replacing Anak ni Waray vs. Anak ni Biday. Pinagbibidahan ito nina Gabby Concepcion and Sanya Lopez.