Former Speaker Alan, umaming nasaktan din sa pagkasara ng ABS-CBN

Concerned din si former speaker ng Congress na si Alan Peter Cayetano sa mga nawalan ng trabaho sa ABS-CBN nang mawalan ito ng prangkisa.

Isa nga sa tumawag sa kanya ay si Angel Locsin at naiintindihan naman niya ang saloobin nito sa nangyari sa kanyang network.

Lingid sa kaalaman ng marami, si Congressman Alan ay nag-create ng Special Committee on Creative Industry na pinangungunahan ng chairman nitong si Rep. Christopher de Venecia.

May na-draft na rin siyang Department of Arts and Culture bill dahil naniniwala siyang may puwang ang showbiz industry sa international market.

Isa sa objectives nito ay, “To ensure that arts, culture and creative industries are primordial importance in the priorities of the government.”

Sabay na humarap sa entertainment sina Rep. Alan at Taguig City Mayor Lino Cayetano.

Dahil nakilala rin si Lino sa showbiz bilang director, plano niyang magtayo ng mga school na may kinalaman sa pagsusulat, singing, dancing at performing arts. “Mas sober na lang ngayon at nagkakakuwentuhan na after the franchise. Pero noon, kahit murahin ako sa mukha ko, naiintindihan ko! Masakit ‘yung nangyari!” pahayag ni Rep. Peter.