DOTS, ginawa ang lahat sa gitna ng pandemya

Tiyak na masaya na ang televiewers na pagkatapos ng matagal na paghihintay na muling mapanood ang intertationally-acclaimed series na Descendants of the Sun: The Philippine Adaptation, ay ready na ang mga bagong episodes nito simula ngayong Huwebes.

Pangako ni director Dominic Zapata na same quality from the previously aired episodes ang mapapanood sa kabila na nag-tape sila nito under strict safety protocols during the quarantine.

Kagabi ay napanood na ang kabuuan ng earthquake scene na siyang huling eksena bago ang lockdown last March.

Ang serye ay nagsimula sa love story ng Alpha Team Leader na si Capt. Lucas Manalo (Dingdong Dantes) at cardio-thoracic surgeon na si Dr. Maxine dela Cruz (Jennylyn Mercado)

Kasama rin nila sina Jasmine Curtis-Smith at Rocco Nacino, sina Paul Salas, Jon Lucas, Lucho Ayala at Prince Clemente as the brave military team.

Mapapanood ang Descendants of the Sun PH at 9:15 p.m., pagkatapos ng Encantadia.

Ryza walang mailabas na gatas para sa anak

Humingi ng tulong si Ryza Cenon sa kaibigang si Chariz Solomon, na tulad niya ay bago ring nakapagsilang ng kanyang baby.  Instagram post ni Ryza ang bote ng milk na ipinadala sa kanya ni Chariz with a caption na “as a first time mom minsan nakaka-frustrate yung wala ka pang maibigay na gatas, kahit gusto mo magpa-breast feeding kay Baby Night.  Buti na lang andyan si @chariz_solomon para matulungan ako sa breast milk. Super thank you missy!”