Julia umaming may bagong ‘loved one’

Curious na curious ang followers ni Julia Barretto kung sino ang sinasabi nitong ‘loved one’ na kasama niya sa kanyang birthday dinner.

Meron na nga ba siyang bagong BF?

 “For my birthday this year I decided to do things differently. A dinner for 10, my family and a loved one. And today, I woke up fuller than ever. Thank You Jesus ♥?,” sabi ni Julia sa kanyang birthday post kahapon.

Nauna nang na-trending ang topless photo niya.

Kay Gerald Anderson nga huling na-link si Julia na ayaw pang paniwalaan ng iba na naghiwalay na sila.

DIY Hermes mask ni Heart, bumenta sa followers

“Naku po! DIY po yung masks ko. Wala pong mask ang Hermes ! Ginamit ko Lang po ang ribbon ng mga paper bag! check my ig stories for ideas!:),” sagot ni Heart Evanglista sa mga mabilis nag-react sa idinisplay niyang ‘Hermes’ mask sa kanyang social media accounts kahapon.

From scratch daw ang nasabing mask sabi ni Heart. “We are coming up with masks that are prettier because life goes on and there’s work. Wala akong choice,” naunang sabi niya. “We are making ourselves fashionably safe,” dagdag ni Mrs. Escudero na ayun nga, naging parang mamahalin talaga na favorite brand niya.

Dahil tinuro niya kung paano gumawa, ang daming naggayahan kaya biglang ang daming naka-Hermes mask na naka-display sa social media.

May isa pa nga siyang follower sa Twitter na pinadalhan niya nito with matching alcohol pa.

Richard at Sarah ayaw isugal ang buhay ng mga bisita sa kasal

Umaga pa lang daw kahapon ay pinag-usapan na nina Richard Gutierrez at Sarah Lahbati at kani-kanilang pamilya ang postponement ng kanilang grand wedding na magaganap sana bukas ng hapon sa isang five star hotel sa Makati.

At after lunch nang mag-decide silang i-postpone muna dahil na rin sa pagdami ng may COVID sa bansa.

Ayaw na raw nilang i-risk ang kahit sino sa kanilang mga bisita.

“As much as we want to celebrate our love with our family and friends, in light of the recent situation we have decided to postpone our wedding as we do not want to put anyone at risk.

“ Thank you so much to those who flew in and to everyone who worked so hard for our special day. We only wish good health for everyone and we hope to celebrate with you as soon as things get better.

“Much love, Richard & Sarah,” ang kanilang official statement sa postponement ng dream wedding nila.

Gerald bagong spokesperson ng ‘Kasama’

Wow, oficially recognized pala as the Ambassador of Goodwill and Spokesperson of Philippine Youth KASAMA si Gerald Anderson.

At ‘yun pala ang rason kaya nasa Plenary Hall of the House of Congress in Batasan ang actor last Tuesday kung saan saan nakapagpa-picture sa kanya ang maraming taga-Congress.

Bukod kay House Speaker Alan Cayetano and Majority Floor Leader Martin Romualdez, Congresswoman Elenita Ermita and Congresswoman Aleta Suarez, naka-chika rin ang actor ni  Congresswoman Vilma Santos- Recto. The Star for All Seasons expressed her interest pa of doing future projects with Gerald nang magkita sila. 

Bianca, dawit sa resource person sa senate na Infected ng virus

Parang konti na lang magiging Mrs. Win Gatchalian ang former beauty queen / actress na si Bianca Manalo.

Pagkatapos mag-announce ng kanyang senador na dyowa na kailangan niyang mag-quarantine dahil infected ng COVID-19 ang isa sa naging spokesperson sa kanilang hearing  on Basic Education, Arts and Culture last March 5, 2020 na chairman si Sen. Win, agad ding nag-quarantine si Bianca. “Hello everyone. As soon as I heard the news yesterday, I have decided to do a self-quarantine until I get tested. It makes me sad that I won’t be able to see my own family, probinsyano family and friends as of the moment. But we have to be proactive!

“Stay safe, drink vitamin C, boost your immune system, drink lots of water and rest.?

“I’ll keep myself busy by finishing all my books or start my new koreanovela, Itaewon Class.”