Melanie nasa London para kay Michelle!

Sa darating na Sabado na ang coronation night ng Miss World 2019 at hoping ang mga Pinoy na mananalo si Michelle Dee, ang anak nina Melanie Marquez at Derek Dee.

Luz Valdez sa 68th Miss Universe ang Philippine bet na si Gazini Ganados kaya umaasa ang mga kababayan natin na maghahatid ng good news sa Pilipinas si Michelle.

Kung hindi ako nagkakamali, nagbakasyon muna si Melanie sa taping ng One of the Baes dahil lilipad siya sa London para bigyan ng moral support ang anak niya.

Masipag si Melanie sa social media dahil ito ang ginagamit niya para i-remind ang lahat na suportahan ang Miss World bid ni Michelle.

“My friends, supporters, relatives, followers & loved Ones, I would like to extend my gratitude to everyone’s support, love & prayers.

“Your generous gestures to vote daily for my daughter Michelle in Miss World 2019 (entry vote) has touched my heart deeply and humbled me greatly. Thank you so much for being one with my child in this journey of beauty with a cause.

“Miss World Pageant is a symbol of love and beauty. Every act of kindness we do to mankind, will give us our sense of worth of happiness in life.

“Once again, maraming-maraming salamat po sa inyong suporta, dasal at pagmamahal sa ating kandidata sa Miss World 2019 na si Michelle Marquez Dee!

“Ang tagumpay nang anak ko sa Miss World 2019 ay tagumpay nating lahat! Mabuhay po kayong lahat!” ang unedited na mensahe ni Melanie para sa supporters ni Michelle na sana nga, masundan ang yapak ni Megan Young, ang first Filipina Miss World winner noong 2013.

Mga pelikulang kasali sa MMFF aligaga na sa promo

Busy na naman ang entertainment press dahil sa magkakasunod na Christmas parties, presscon at preview ng mga pelikula na kasali sa 45th Metro Manila Film Festival.

Nauna nang nagkaroon ng presscon ang M&M, The Mall, The Merrier noong Lunes, ngayon naman ang media conference ng 3Pol Trobol: Huli Ka Balbon at bukas naman ang presscon ng Mission Unstapabol: The Don Identity, ang filmfest entry nina Vic Sotto at Maine Mendoza.

Nagkaroon na rin ng special screening ang Miracle in Cell No.7 at nagkakaisa ang lahat ng mga nanood na mahirap talunin si Aga Muhlach sa best actor category ng Gabi ng Parangal ng 45th Metro Manila Film Festival.

Si Judy Ann Santos naman ang hinuhulaan na best actress winner dahil sa best actress trophy na napanalunan niya sa 41st Cairo International Film Festival.