Billy at Coleen, naghihiraman ng datung

Never daw naging malaking issue sa mag-asawang Billy Crawford and Coleen Garcia-Crawford ang pera.

Kadalasan kasi ay pera ang nagiging malaking dahilan kung bakit nagkakaroon ng problema ang mag-asawa, kahit na rin sa magsyota pa lang. Lalo na sa showbiz, hindi nawawala ang issue sa pera ng dalawang celebrities na nagsasama o nagpapakasal.

Pero ang mag-asawang Billy at Coleen ay maayos daw ang paghawak ng finances nila. Ang maganda raw ay sine-share nila sa bawa’t isa ang anumang kitain nila.

Inamin ni Coleen na minsan ay hihiram siya ng pera kay Billy and vice-versa. Kung sino raw ang nakakaluwag sa pagkakataon na kailangan nilang may bayaran. “Actually parang same same. Kasi sometimes meron ako, sometimes meron siya. Sometimes wala ako, sometimes wala siya, or sometimes late dumadating. Kasi siyempre minsan late dumadating din yun mga salary.

“So what we do is, kung may kailangan siyang bayaran ‘tas wala siyang ano wala siyang pambayad at that time, he gets it from me. Tapos ako ganun din and parang shared lang actually. It’s understood na we’re there for each other,” diin pa ni Coleen.

Saludo naman ang ilang netizens sa maganda at mature na pagsasama nina Coleen at Billy.

Limited edition stamps ni Catriona for sale na!

Para sa mga mahilig mag-collect ng limited edition stamps, maaari nang mabili ang special commemorative postal stamps ni Miss Universe 2018 Catriona Gray na gawa ng Philippine Postal Corporation (PHLPost).

Na-unveil na ang special stamps na ito ng winning moment ni Queen Cat sa Miss Universe 2018. Sa nakaraang grand homecoming ni Catriona ay isa ito sa dinaluhan niyang event na ikinatuwa ng ikaapat na Miss Universe ng Pilipinas.

Ang iconic image ni Catriona suot ang kanyang pamosong Mayon-volcano inspired gown by Mak Tumang habang kumakaway siya na suot na ang Miss Universe crown ang naka-print sa stamps at special souvenir sheets.

Ang in-house Philatelic Counter graphic artist Rodine Teodoro ang nag-design ng stamp with credits on the photo supplied by the Ms. Universe organization.

Bago si Catriona, nagkaroon din ng special commemorative stamps ang tatlo pang Miss Universe ng Pilipinas na sina Miss Universe 1969 Gloria Diaz, Miss Universe 1973 Margie Moran and Miss Universe 2015 Pia Alonzo Wurtzbach.

Ang stamps, souvenir sheets and official First Day Covers will be available at the Manila Central Post Office in Liwasang Bonifacio and all the Postal Areas of the Philippine Postal Corporation. The regular postal stamp will cost P12 while the special stamp will cost P55 with an embellished crown and lava gown.