JC sinuwerte sa anak!
JC de Vera has every reason to feel blessed this year. Hindi lang dahil sa magandang takbo ng kanyang career, kung hindi pati na rin sa pagsilang ng kanyang anak na babae this year.
Leading man ngayon ni Kim Chiu si JC bukod kay Dennis Trillo sa entry ng Metro Manila Film Festival 2018 na One Great Love, directed by Enrico “Eric” Quizon. Next year naman ay gaganap siya bilang isa sa leading man ni Angel Locsin sa serye nitong The General’s Daughter.
Makakatrabaho ni JC sa nasabing bagong serye ang mga beteranong aktor tulad nina Albert Martinez, Tirso Cruz III, Eula Valdez at Maricel Soriano, plus Paulo Avelino.
Huwag din nating kalimutang every Sunday, after ASAP Natin ‘To, napapanood siya sa gag program na Banana Sundae, where he is allowed to display his inherent comic talent.
Toni kukunin uli si Melai sa pelikula!
Agree ang magkapatid na Toni at Alex Gonzaga na natural na komedyante ang former Pinoy Big Brother grand winner na si Melai Cantiveros. Nakakatawa raw ito at sobrang entertaining
Kasama ng dalawa si Melai sa MMFF 2018 entry nila na Mary, Marry Me kung saan tampok din sa nasabing pelikula sina Bayani Agbayani at Moi Bien.
No wonder na gusto ulit na kunin ni Toni si Melai sa mga susunod pa niyang pelikula na maaari niyang i-produce with her film production, ang TinCan Productions na siya ring producer ng Mary… tinulungan siya ng asawang si Direk Paul Soriano sa pagbuo nito.
Mary, Marry Me is directed by RC delos Reyes na tumatayong assistant ni direk Paul sa kanyang endeavors both as director and producer.
Sarah at Matteo hiwalay sa Bagong Taon!
Mukhang magkahiwalay na magsi-celebrate ngayon sina Sarah Geronimo and Matteo Guidicelli ng kanilang bagong taon.
As publicized, nakatakdang mag-perform si Sarah with special guests na sina Ronnie Liang, Sam Concepcion at Randy Santiago sa the Grand Countdown to 2019 sa December 31 sa the Marriot Grand Ballroom, Resorts World Manila.
Hosting the show is Giselle Sanchez.
Magti-three years na ring mag-sweethearts sina Sarah and Matteo.
Maine at Arjo chill ang relasyon
Kahit na hindi pa umaamin sina Maine Mendoza at Arjo Atayde sa totoong estado ng kanilang relasyon, good friends naman daw sila and they go out on dates. Kapamilya si Arjo, habang si Maine naman ay Kapuso.
Nagkakilala ang dalawa at naging malapit sa isa’t isa nang maging magkatrabaho sa pelikulang entry nila sa MMFF 2018 na Jack Em Popoy: The Puliscredibles kung saan gumaganap si Arjo bilang kontrabida sa kanila nina Coco Martin at Vic Sotto.
Si Arjo ay malapit din kay Coco dahil nauna na silang nagkatrabaho sa top-rating action series niya na FPJ’s Ang Probinsyano.
Ang Jack Em Popoy… ay dinirek ni Mike Tuviera, co-starring with Lito Lapid, who is also in the movie, directing the action scenes.
Combination ng mga Kapuso at Kapamilya ang iba pang co-stars nina Coco at Vic sa pelikula, ilan na rito sina Jose Manalo, Paolo Ballesteros, Wally Bayola, PJ Edrinal, Tirso Cruz III, Ryza Cenon, Ronaldo Valdez, and Lito Lapid.
- Latest
