Sharon handang-handa na sa kasal ni KC
Nagbabanta na si Sharon Cuneta sa panganay na anak na si KC Concepcion dahil inip na inip na siyang magkaroon ng apo.
“Pag ‘di pa siya nag-asawa, magpapabuntis ako ulit para may baby sa bahay, nakakahiya naman,” sabi ni Megastar sa presscon ng reunion movie nila ni Richard Gomez under Star Cinema, ang Three Words to Forever.
Sey pa ni Mega, reding-ready na raw siyang magbihis sa wedding.
“Parang siya ‘yung ano… relax lang ‘yung anak ko, which I’m happy about, seriously. Kasi, she’s not in any rush, she’s not pressured and she’s really enjoying every moment of happiness that she spends with Pierre (Plassart),” ani Sharon.
Para kay Mega, perfect guy ang boyfriend ng kanyang anak.
“Oh my God, if I could have met someone like Pierre also when I was younger, it would have been so perfect. He is so perfect for her.
“They have their own... when you watch them together, they’re like ‘nakakatawa ‘tong dalawang ‘to’ parang may sarili silang language na… magtitinginan, magtatawanan,” sey ni Sharon sabay-sabi kay Goma na katabi niya, “parang tayo noong araw.”
Kuwento pa ni Shawie, nagno-nosebleed na nga raw siya sa lalim ng usapang French nina KC at Pierre kaya tinuturuan na niyang mag-Tagalog ang future son-in-law.
“I’m happy, I’m very happy for them,” sambit pa niya.
Joross naging ‘clown’ nina Sharon at Goma
Puring-puri nina Sharon, Goma at Liza Lorena ang co-star sa Three Words to Forever na si Joross Gamboa.
Ayon kay Sharon, si Joross daw ang dahilan kung bakit masaya silang lahat sa set.
“He’s one of the wittiest, smartest, and si Joross contributed so much sa pagiging happy ng movie na ito,” sey ni Sharon na inayunan agad ni Goma.
“He was the happy feel of the movie,” sambit ng aktor.
Papuri pa ni Shawie, napakabuting asawa’t ama raw ni Joross at walang bukambibig kungdi ang wife nito.
“Very witty, very smart, also a director so he knew exactly what to do. Suggest nang suggest, ayan, siya nahirapan. Lahat ng sinadyest niya kasi maganda, so pinagawa na ni direk (Cathy Garcia-Molina),” kwento pa ni Sharon.
Si Liza naman ay naging parang therapy niya ang mga jokes ni Joross dahil kamamatay lang ng kanyang ina at kapatid. Lagi raw siyang binubuska at pinagti-trip-an ng aktor at kung wala raw ito ay malungkot sa set.
- Latest
