Mga nagawang kanta ni Rico sinariwa ng fans
Sino ba ang hindi nalungkot o naluha habang pinapatugtog muli ang mga hit songs ni Enrico de Jesus Puno o mas kilala bilang Rico J. Puno.
Binawian na siya ng buhay last Tuesday dahil sa cardiac arrest.
Si Rico ay isang singer, comedian, actor, TV host at isa sa pioneer promoter ng Original Pilipino Music.
Walang makagaya sa unique na boses nito na high pitch at husky.
Kahit wala na siya, palagi pa ring maaalala ng mga tao ang kanyang kontribusyon sa industriya ng musika.
Ilan sa mga pinasikat niya ang May Bukas Pa, Sorry Na Pwede Ba, Magkasuyo Buong Gabi, Macho Gwapito, Lupa at marami pang iba.
Sa pagpanaw ni Rico, dinagsa tuloy ang Greatest Hits Full Album ni Rico J. sa YouTube at ibang social media account, pati na rin sa mga istasyon sa radyo upang patugtugin at sariwain ang mga sikat niyang kanta. Nakakaaliw ang mga comment ng fans na karamihan ay pami-pamilya at yung iba ay in-behalf pa ng kanilang mga lolo, tatay, at tito.
Mananatili si Rico sa alaala ng lahat, ang nag-iisang macho gwapito.
- Latest