Zoren itutuloy na ang pagdi-direk

Parehong Kapuso talents na sina Zoren Legaspi and his wife, Carmina Villaroel.

Hindi lang ‘yon, pati na rin ang kanilang twins na sina Mavy at Cassy ay mina-manage na rin ng GMA Artists Center, in partnership with Zoren.

Si Carmina naman ay may ibang talent manager.

Of Zoren, may plano raw siyang mag-fulltime na as a movie and TV director. Pero sa ngayon, abala pa siya sa seryeng Kapag Nahati Na Ang Puso na pinagbibidahan nina Sunshine Cruz, Bea Binene at Benjamin Alves.

Benjamin nagre-research na tungkol kay MLQ

Tama nga kaya ang aming narinig na kay Benjamin naman ibibigay ang role ni President Manuel L. Quezon pag gumawa ulit ng pelikula si Jerrold Tarog tungkol naman sa buhay nito? Si Jerrold ay ang direktor din ng pelikulang Heneral Luna ni John Arcilla at ng still showing movie na Goyo: Ang Batang Heneral ni Paulo Avelino.

Si Benjamin ay pamangkin ng Kapamilya star na si Piolo Pascual.

Lumaki siya sa Guam at nagsariling sikap para makapag-college sa isang university bago siya sumubok sa showbiz dito sa Pilipinas.

Bilang paghahanda raw kay Manuel L. Quezon, nagri-research daw si Benjamin ng tungkol sa kanya at nagbabasa para mas marami pa siyang impormasyong makuha.

Luigi gamit na gamit ang pagma-Muay Thai at Martial Arts sa Tres

 Si Luigi Revilla kasama ang mga kapatid niyang sina Bryan at Cavite Vice Gov. Jolo Revilla ang mga bida sa pelikulang Tres, produced by the Revilla film firm, ang Imus Productions.

Si Luigi ay may interes sa singing, recording and composing.

Yes, sabi niya ay kumakanta siya at tumutugtog din ng ilang musical instruments.

And lately, nakapag-composed na rin daw siya ng mga kanta, which he said, pinag-iinteresan ng isang top music producer na i-record.

“But that would have to come later, of course,” ani Luigi, who is also an entrepreneurship graduate sa Enderum College sa Taguig City.

In fact, may small business na raw siya.

Sa ngayon daw, as suggested by his Dad, former Senator Bong Revilla, ang pag-arte raw ang kanyang priority.

Mahilig rin sa sports si Luigi, he is engaged as well in Martial Arts and Muay Thai.

Nai-display niya raw ng todo ang talent niya sa sports na ito sa kanyang episode sa Tres, titled Amats.

Ang episode naman nina Bryan at Jolo ay Virgo at 72 Hours.

Tres will be shown in theaters nationwide, starting in October and Star Cinema will release the movie.

Alex inuudyukan na ni Toni na magpakasal

“Sooner but not yet now” ang sagot ni Alex Gonzaga sa tanong kung kailan sila magpapakasal ng kanyang boyfriend of two years, ang mayaman daw na si Mikee Yambao.

Although agree naman siya na siya ay nasa marrying age na. In fact nga raw, pinipilit na rin siya ng kanyang ate na si Toni Gonzaga at ng asawa nitong si Direk Paul Soriano na mag-asawa na.

But busy as a bee raw ngayon si Alex, gusto raw muna niyang sulitin ang oras niya kumbaga. Oo nga naman, full-time vlogger siya at bukod pa sa napapanood siya tuwing Saturdays and Sundays bilang one of the Singvestigators ng musical game show na I Can See Your Voice, together with Bayani Agbayani, Angeline Quinto, Wacky Kiray, Andrew E and her former boyfriend, Kean Cipriano.

Ngayon ay naka-isang taon na ang nasabing show.

Alex has a movie rin, Nakalimutan Ko Nang Kalimutan Ka na showing na sa September 25, kung saan ang kanyang kaibigan na si Fifth Solomon ang nagdirek.

The film is produced by Wilbros Film, a new film company.

Nakalimutan Ko… also stars Vin Abrenica, Jerald Napoles, Candy Pangilinan, Rufa Mae Quinto, Jayson Gainza and Loisa Andalio, among others.