Morissette humahataw na rin sa sayawan
Minamani-mani lang parati ni Morissette Amon ang kanyang pagwi-whistle sa tuwing siya ay bumibirit, lalo na sa bagong single nitong Pangarap under Star Music.
Parang walang hingahan si Morissette sa pagbirit niya sa nasabing kanta. Isa ito sa great performances niya na may music video nang pinagkakaguluhan ngayon.
Ang daming humanga sa MV ni Morissette, swak na swak para sa millennials ang vibe ng kanta, buhay na buhay. Parang kanyang personality, buhay na buhay, bubbly, sweet at humble.
Hindi lang pala sa pagkanta magaling si Morissette dahil nagpakitang gilas din siya sa pagsasayaw.
Imagine, sa pagkanta palang ay nakakahingal na, paano pa kaya pag pinagsabay na ang pagkanta at pagsayaw?
Madali lang itong naha-handle ni Morissette, tamang paghinga lang at timing sa paggalaw kaya nakakaya niya kahit mababa man o mataas o whistle.
Kaya hindi malabong maraming fans nga si Morissette, dahil hindi maikakaila ang galing nito at talento.
- Latest