Jak malabong makapag-guest sa Inday... ni Barbie
Absent si Derrick Monasterio sa presscon kahapon ng book two ng Inday Will Always Love You ng GMA 7.
Nasa San Juan, La Union kasi si Derrick at nagsu-shooting ng Regal Entertainment movie nila ni Sanya Lopez.
Kung sa Inday Will Always Love You sina Derrick at Barbie Forteza ang magkapareha, sa pelikula naman, si Sanya Lopez ang kapareha ng binata.
Biniro ko nga si Barbie sa presscon kahapon ng Inday Will Always Love You na ang ‘sister-in-law’ niya ang kapareha naman ni Derrick.
Kapatid ni Jak Roberto si Sanya.
Sabi naman ni Barbie, hindi naman kasi talaga sila loveteam ni Derrick at puwede silang ipareha sa iba.
Samantala, inusisa ko si Barbie kung hindi ba niya inirerekomenda sa mga taga-Inday Will Always Love You na i-guest naman ang kanyang boyfriend at sinabing hindi raw.
Sa pagkakaalam daw kasi ni Barbie kapag may on-going series ang isang artista ay hindi raw nila puwedeng i-guest sa ibang series.
Eh, si Jak kasi, nasa Contessa, kaya malabong makapag-guest ang boyfriend ni Barbie.
Si Jean Garcia nga pala ang guest simula kagabi sa Inday Will Always Love You.
Sanya at Derrick magpapainit sa bagong ginagawa
Going back to Sanya and Derrick, nakita ko ang ipinost sa Facebook ng supervising producer ng pelikula na si Manny Valera.
Aba, grabe ang white two-piece na suot ni Sanya at sobrang sexy niya, huh!
Sabi ni Manny, sexy drama ang genre ng pelikula nina Sanya at Derrick sa bagong pelikula ng Regal Entertainment.
Sa picture nina Sanya at Derrick, nakatakip ng surf board ang ibabang bahagi ng shirtless na si Derrick, kaya hindi ako sure kung board short o trunks ba ang suot ng Kapuso actor, ‘noh?!
Eddie, Annabelle at Ruffa, naka-dinner sina P. Digong, Mayor Erap at Speaker Arroyo
Um-attend ang mag-asawang Eddie Gutierrez at Annabelle Rama kasama si Ruffa Gutierrez sa isang dinner show sa Manila Hotel noong Wednesday night.
Para raw sa rehabilitation ng Marawi ang nasabing fundraiser.
Pinagkaguluhan doon si President Rodrigo Duterte na kumanta pa raw.
Nasa event din na ‘yon si Manila Mayor Joseph “Erap” Estrada pati si Speaker Gloria Macapagal-Arroyo at iba pang government officials.
- Latest