Liza may hinihintay pa bago seryosohin si Enrique

Hindi pa official ang  pagiging mag-sweethearts nina Liza Soberano at Enrique Gil. Although, sa recent interview on TV with Vice Ganda, inamin nilang mahal na nila ang isa’t isa.

Pangako raw kasi ni Liza sa father niya (John Soberano) na hindi siya officially mai-inlove, until she’s of legal age, which of course, is 21.

Liza just turned 19 last January 4.

Excited daw si Liza na gampanan ang role na Darna, in case na i-offer ito sa kanya. At excited din maging si Enrique na gampanan ng ka-love team ang said role.

The tandem were last seen together in the blockbuster movie, My Ex and Whys. Which Cathy Garcia-Molina directed.

Elisse at McCoy humahabol na sa sikat 

Patungo na ba sa pagiging sikat na love team, tulad nina Liza at Enrique, Daniel Padilla at Kathryn Bernardo and, of course,  Nadine Lustre and  James Reid, ang tambalang McCoy de Leon at Elisse Josson?

Well, magiging parte sila sa serye na muling magtatambal kina Janella Salvador at Elmo Magalona na ipu-produce ng Dreamscape Entertainment Television, na producer ng Born For You, na siya namang first team-up nina Janella at Elmo.

Kasalukuyan silang may special roles sa itinutu­ring na number one action teleserye sa TV, ang FPJ’s Ang Probinsyano, na pinagbibidahan ni Coco Martin.

Nang matanong kung ano ang current status ng kanilang relasyon, sinabi nina McCoy and Elisse na best friends lang sila. If this relationship will eventually blossom into something special, time will tell, susog pa ng dalawa.

A good dancer, McCoy is a member of the famous dance group, Hashtags. Siya rin ang panganay sa kanilang magkakapatid.

Si Elisse naman ay isang commercial model bago siya napasok sa Bahay ni Kuya via the Pinoy Big Brother (PBB) in Vietnam.

Only child siya of a single mom na isang doctor by profession.

Jericho mas gusto munang tutukan ang career kesa baby

Wala pa obviously sa plano ni Jericho Rosales at ng kanyang non-showbiz wife na si Kim Jones na magkaanak. Ikinasal ang dalawa noong March 2014 sa Boracay.

Kung sabagay, may anak nang isang teenager si Jericho, si Santino, na maituturing na star material. Anak ni Jericho si Santino sa isang non-showbiz girl.

May malapit nang ipalabas na movie si Jericho, ang Luck at First Sight na idinirek ni Dan Villegas and co-starring him with Bela Padilla, Kim Molina, Cholo Barreto and PJ Edrinal.

May nakatakda rin daw gawin si Jericho na series sa ABS-CBN pagkatapos niyang gawin ang Magpahanggang Wakas kung saan nakasama niya sina Arci Muñoz, John Estrada, Gelli de Belen at Yen Santos.

Dumarami na rin ang branches ng eatery ng Kuya J, where he is reportedly both endorser at part-owner.

Daniel at Arci may future!

Hindi na, Salve A., pinag-uusapan ang naunsyaming pag-iibigan between Erich Gonzales at ng Brazilian hunk na si Daniel Matsunaga.

Sa halip, marami ang nag-aabang sa posibleng maganap sa kasalukuyang kakaibang closeness ng namamagitan kina Daniel at Arci Muñoz. Sila ay parehong competent participants ng kasalukuyang high rating program na I Can Do That.

Like Daniel, Arci has just broke off from her reported rocker-boyfriend, Badi del Rosario, repor­tedly the son of Brunei Prince.