Matteo gaya-gaya sa pagluluto ni Sarah

Gusto na ring maging chef ni Matteo Guidicelli.

Yup, nag-enroll na rin siya sa Culinary School na pinasukan din ng girlfriend niyang si Sarah Geronimo.

May pag-aaring Italian restaurant ang pamilya ni Matteo sa Cebu!

Mga kandidata ng Miss U hindi pinayagang mag-overnight sa Bora

Maghapon lang sa Boracay ang mga kandidata ng Miss Universe na lumipad sa nasabing isla kahapon para sa ilang pre-pageant activities.

Gusto pa raw ng ilang kandidata na mag-stay doon pero hindi raw pumayag ang Miss U organizers.

Samantala, wala raw isasarang mga kalsada sa coronation nito.

Pero santambak ang mga pulis at traffic enforcers na nakapaligid para siguruhin ang kaayusan.

Jessy at Luis handa na sa kasalan

Hindi na itinatanggi ni Jessy Mendiola na pinag-uusapan na nila ni Luis Manzano ang kasal.

Na kung tutuusin ay wala nga namang masama dahil nasa tamang edad na sila at kung financial aspect ang pag-uusapan, secure na secure na si Luis. “Of course naman. Aminin naman natin lahat kapag may partner tayo, palagi nating pinag-uusapan ‘yan. You always hope for the best,” pahayag ni  Jessy sa isang interview.

Mga show na nagti-trend, ‘sila-sila’ rin ang nagti-tweet

Bakit ganun, sila-sila rin naman ang nagti-tweet para mag-trend ang isang show.

Yup, yung mga artista, director, staff, PRs at mga involve sa show, sila rin naman ang nagpapa-trend. So parang useless din kasi nga sila rin naman.

Makikita kasi sa Twitter ngayon ang mga pangalan ng mga nagti-tweet sa isang particular subject or show.