Nahanap na nga ba ni Pastillas Girl ang kanyang Mr. Pastillas?

MANILA, Philippines - Ang paghahanap ng Pastillas Girl na si Angelica Jane Yap sa kanyang Mr. Pastillas ay mukhang magkakaroon na ng closure sa It’s Showtime na umaarangkada na sa tanghali. Si Vice Ganda, pati na rin ang iba pang host ay patuloy na nagbibigay payo kay Pastillas Girl pati na rin sa pagpapakilala ng mga potential na Mr. Pastillas niya.

Pero sa nakaraang palabas ng noontime show, tila napusuan na ni Pastillas Girl si Topher na tubong Bulacan nang ito’y makaharap sa isang speed dating segment. Iginiit pa ni Topher na hindi lang basta-basta date ang gagawin niya para kay Angelica ngunit liligawan daw niya ito gamit ang tamang paraan.

Sadyang pinalad si Topher dahil siya pa ang napili ni Pastillas Girl na makasalo sa tanghalian at maka­kwentuhan upang kilalanin pa nang husto ang binata.

Sa kabilang banda, sina Jess, na lumipad pa ga­ling Bacolod, at Evan, ay walang ibang masabi nang malamang iba ang pinili ni Pastillas Girl at hindi sila.

Babalik na lang umano si Jess sa trabaho kung saan absent na siya buong linggo para lang masilayan si Pastillas Girl. Ganun na rin umano ang gagawin ni Evan na tinanggap naman ang pagkatalo kay Topher.

Ngunit, talo na nga ba sila? Ito na nga ba ng katapusan ng paghahanap kay Mr. Pastillas? Abangan yan bukas sa It’s Showtime na eere 11:30 ng umaga. I-follow ang kanilang Facebook at Twitter (@itsshowtime) para sa karagdagang impormasyon.