“PERO bago po sana mangyari ang pag-asenso, ay matupad sana ang matagal ko nang hinihiling sa Diyos,’’ sabi ni Ericko na nagseryoso ang boses.
“Ano ‘yun?” tanong ni Kikoy.
“Gusto ko sanang magkasama-sama kaming magkakapatid, Tito.”
“Nasaan ang mga kapatid mo?”
“Mula nang mamatay ang aming ina, nagkawatak-watak na kami. Ang huling balita ko, nasa Mindoro ang aking mga kapatid.”
“Ilan sila?”
“Dalawa—isang lalaki at isang babae.”
“Bakit napahiwalay sila? Bakit ikaw ang nasa piling ng Papa Florence mo?”
“Hindi ko po malaman kung bakit. Sabi lang ni Papa, naghati sila ni Mama. Ako lang ang dinala ni Papa.”
“Ah.”
“Gusto ko magkasama-sama kami at mabigyan sila ng magandang buhay.”
“Matutupad ang hiling mo dahil aasenso ka, Ericko.”
“Salamat Tito.”
“Tutulungan kitang hanapin ang mga kapatid mo.” (Itutuloy)