MALALANG sakit na ang naidudulot ng mga pakawalang social media vloggers na kumakaladkad sa mga kabataan tungo sa pamayanang hinuhubog sa kasinungalingan. Karamihan sa kanila, nanggaling sa UniTeam. Nababahaginan naman siguro!
Naging putahe na mula pagkagising ng mga social media fans ang bisitahin ang iba’t ibang social media channels para makapakinig sa vloggers ng mga maiinit na balitang puno ng bastusan, murahan at siksik sa kasinungalingan.
Barubalan ang usaping pulitika sa social media mula sa nagsusumbatang kampo nina PBBM at VP Sara Duterte na supporters ng UniTeam. Halata namang gusto lang mapansin kaya nagmamarakulyo. Totoo, di ba?
Pakawalang mga kritiko ang pigura nina Atty. Glen Chong at Harry Roque dahil sa katabilan ng dila ng dalawa. Alam naman nang marami na kapwa sila namimilipit na manalo ang UniTeam noon.
Nadidiin tuloy si FL Liza sa Smartmatic at Digong sa friendly agreement sa China dahil sa matabil na dila nina Chong at Roque. Istaaap!
Parang may balat daw sa puwet si talkative Harry dahil lahat nang salihan niya ay nawiwindang. Mula sa Kabayan party-list na ikinabit sa UNA ni VP Binay, UniTeam at SMNI. Oo nga ‘no? Baka naman nagkataon lang.