Social media influencer sa Australia, mistulang tinubuan ng ‘sungay’ dahil sa maling pagpaparetoke!
Isang TikTok influencer sa Australia ang nag-viral dahil tila tinubuan ito ng “sungay’’ dahil sa maling pagpaparetoke.
Nag-viral at naging laman ng news headlines sa Sydney, Australia ang 21-anyos na si Jessie Carr dahil sa palpak na “fox eye” procedure na naging sanhi para magmukha siyang “alien na may sungay’’.
Ang “fox eye” procedure ay ang uso ngunit kontrobersiyal na beauty trend ngayon sa Hollywood at iba pang western countries. Karamihan sa mga nagpapagawa ng procedure na ito ay mga kababaihan na Caucasian na gustong gayahin ang singkit o “slanted” na mata ng mga Asyano. Ang American model na si Bella Hadid ang isa sa nagpauso ng plastic surgery trend na ito.
Sa panayam kay Carr, sinabi nito na nagbayad siya ng $2,000 para sa procedure. Ngunit nasayang lamang ang malaking halaga na nagastos niya nang nagkaroon ng “protrusions” sa kanyang noo na tila mga sungay. Bukod dito, namaga ang kanyang noo na naging dahilan para magmukha siyang alien.
Agad bumalik sa kanyang plastic surgeon si Carr at binigyan siya nito ng paunang lunas sa inflammation ng kanyang mukha. Umabot ng ilang session sa doctor si Carr bago bumalik ang kanyang dating anyo. Ayon kay Carr, sobra niyang pinagsisihan ang pagpaparetoke at nangako na wala na siyang ipagagawa sa kanyang mukha kahit kailan.
- Latest