ISANG 12-anyos na batang lalaki sa Illinois ang nakabuo ng ventilator para sa mga may COVID-19 gamit lamang ang mga piraso ng laruang Lego.
Ayon kay Anthony Hartman, isang seventh-grader sa Winnetka, Illinois, naisipan niyang bumuo ng ventilator mula sa Lego kit nang mabalitaan niyang may kakulangan ng ventilator para sa mga kritikal ang kondisyon dahil sa COVID.
Inspirasyon daw niya ang mga unibersidad na nakagawa ng mga ventilator na abot-kaya para sa lahat.
Balak ni Anthony na makipagtulungan sa Lego upang maipakalat ang dinisenyo niyang ventilator sa mga liblib na lugar na may kakulangan sa mga medikal na kagamitan.