NASA kagubatan ng Java, Indonesia ang tinaguriang “world’s ugliest pig”.
Tinawag na Javan warty pigs, endangered o papaubos na ang lahi ng mga ito.
Binansagang pinakapangit na uri ng baboy sa mundo dahil sa taglay nilang mga kulugo sa kanilang mukha.
Mas mahaba rin ang kanilang mga ulo kung ikukumpara sa mga ibang uri ng baboy ramo.
Simula noong 1980’s, nagsimula nang lumiit ang bilang ng mga Javan warty pigs dahil sa pangangaso at sa pagkaubos ng mga gubat na kanilang tinitirhan.
Nagawang makuhanan ang pambihirang paglitaw ng isang Jarvan warty pig sa pamamagitan ng mga nakakubling camera na ikinalat ng mga British at Indonesian researchers.
Bago ang pinakahuli nitong sighting ay marami ang nag-aakalang extinct na ang mga Javan warty pigs kaya buti na lamang at mayroon nang pruweba na may natitira pa sa kanilang uri.
Sa kasalukuyan kasi, hindi protektado Ang Javan warty pigs sa ilalim ng batas ng Indonesia.