ISANG British stunt rider ang nag-handstand habang tumatakbo ng higit 120 kph ang motor na kanyang sinasakyan upang makapagtala ng bagong Guinness World Record.
Ayon sa 30-anyos na si Marco George, umabot ng 122.31 kilometro kada oras ang bilis ng itinakbo ng kanyang motor nang isagawa niya ang record attempt sa isang paliparan sa North Yorkshire.
Hanggang 48 kph lang sana ang target ni George noong una dahil doble na iyon ng dating world record ngunit nakumbinsi siya ng mga organizers ng kanyang record attempt na bilisan pa ang pagpapatakbo niya sa motor.
Hindi naman daw ito ang huling world record attempt na kanyang isasagawa, ayon sa Facebook post ni George.