Problema ng bayan lubhang matagal na
ngunit ang solusyon ay hindi makita;
iba’t ibang tao dito’y namuno na
pero wala pa ring pagbabago yata!
Nagpalit-palit na mga pulitiko
bata at matanda ay natutuliro;
kapag election time ay puro pangako
na sila’y tutulong malunasan ito!
Pero ang mayaman lalong yumayaman
at ang mahirap hindi makagapang;
kahit ang Pangulo’y anak karukhaan
nangangako siyang baya’y daramayan!
Kaya patuloy pang tayo ay hikahos
pagka’t mamamaya’y waring nakagapos-
sa buhay na dukha at buhay na kapos
ayaw umasenso’t sa dangal ay takot!