Ipinag-uutos sa bayan at lunsod
Wastong panununtunan ang dapat masunod;
Lahat nang kawani ay dapat maglingkod
Magpakitang giliw huwara’t masinop
Tumawa ka lamang kahit may problema
Tiyak problema mo’y agad mawawala
Pag sumimangot ka’y ikaw ang kawawa
Pagka’t maghapon mo’y masamang-masama!
Ipinagbabawal sa lahat nang dako
Ugaling magaspang saka hindi pino;
Kung ang sambayana’y lalapit sa inyo
Sila’y pagsilbihan ng tapat sa puso!
Gawaing mabuti’y nagtatamong grasya
Tulad nang maraming naunang dakila
Kung dito sa mundo ikaw ay masama
Pagbabayaran mo’t ikaw’y magdurusa