ANGHANG TAMIS Adong Hagupit
Sa palagay ninyo anong mangyayari
Sa buhay ni P-Noy kung di siya hari?
Dahil magwawakas na bilang presidente
Gayung sa SONA n’ya may mga sinisi?
Kaiba sa ibang gumawa ng SONA
kanyang talumpati may sinisi siya;
Katulad ni GMA at saka Corona
Hindi kaya siya ay banggain nila?
Sa pagkakaalam ko walang naging lider
Ay walang nagbalik sa record na linisin;
Na noo’y ginawa ng dati’y incumbent
Pagka’t pambabaog na di dapat gawin!
Ginawa ni Quezon saka ni Magsaysay
Nang mga panahong nasa Malacanang;
Ay hindi binanggit mga nakaraan
Ng mga sumunod na lider ng bayan!