66-anyos na biyuda natagpuang patay

MANILA, Philippines — Isang 66-anyos na biyuda ang natagpuang patay at naaagnas sa magubat na bahagi ng Barangay San Jose, Mauban, Quezon, kamakalawa ng hapon.

Kinilala ang biktima na si Nenita Piel, at residente ng Sitio Ilaya, Brgy. San Jose na may mga taga sa katawan, putol ang kanang kamay.

Ayon sa pulisya, bandang alas-5:00 ng hapon nang matagpuan ng mga residente ang bangkay ng biktima sa magubat na bahagi ng barangay.

Inaalam ng pulisya kung sino ang responsable sa pamamaslang sa biktima upang papanagutin sa krimen. Doris Franche-Borja