MANILA, Philippines — Sa edad na 89, pumanaw na ang dating pangulo ng Catholic Bishops Conference of the Philippines (CBCP) na si retired Archbishop Fernando Capalla.
Sa anunsyo ng CBCP, namatay si Capalla dahil sa “natural causes” dakong ala-1:38 ng madaling araw kahapon sa Davao City.
Nagsilbi si Capalla bilang pangulo ng CBCP mula 2003 hanggang 2005 at obispo ng Arkdiyoseses ng Davao sa loob ng 15 taon hanggang sa siya ay magretiro noong 2012.
Si Capalla ang “founding father” ng Bishops-Ulama Conferrence, isang interreligious na organisasyon na layong palakasin ang ugnayan ng mga Muslim at mga Kristiyano.
Naging lantad rin na kritiko si Capalla sa “war on drugs” ng administrasyong Duterte habang siya ay nagsisilbing arsobispo ng Davao.