Dahil sa pananalasa ng bagyong Egay…
MANILA, Philippines — Iniulat kahapon ng Department of Agriculture (DA) na mayroong pagtaas ng presyo ng mga bilihin lalo na ng bigas at gulay sa mga pamilihan sa bansa.
Ayon kay DA spokesman Rex Estoperez, batay sa ginawang price monitoring ng ahensiya sa iba’t ibang pamilihan sa bansa ay may pagtaas na P1.50 hanggang P2 kada kilo ang itinaas sa presyo ng bigas at mga panindang gulay.
Hinikayat naman ng DA ang mga negosyante na huwag samantalahin ang sitwasyon lalo na ngayong may kalamidad ay nagtataas ng sobra ang presyo ng mga bilihin.
Gayunman, sinabi ni Estoperez na magagawa ng National Food Authority (NFA) na mapanatili ang presyo ng bigas kung may sapat na suplay pero sa ngayon ang NFA inventory ay nananatiling mababa dulot ng pagkabigo na mabili ang bigas ng mga magsasaka dahil sa mababang presyo ang alok ng gobyerno.