S?oKor tutulong sa oil spill clean-up?
MANILA, Philippines — Tutulong na rin ang gobyerno ng South Korea sa isinasagawang clean-up efforts sa oil spill sa Oriental Mindoro sa pagpapadala ng grupo ng mga eksperto at P11 milyong halaga ng mga equipment.
Ayon sa Korean Embassy, darating ang apat nilang eksperto mula sa Korea Coast Guard (KCG) sa Marso 27 upang makipagtulungan sa Philippine Coast Guard (PCG) at mananatili sa loob ng isang linggo.
Magbibigay din ang Korean government ng cleaning equipment, kabilang ang 20 toneladang sorbet pads at snares; 1,000 metro ng solid flotation curtain boom; art 2,000 sets ng personal protective equipment.
Ang South Korea ang ikatlong bansa na tutulong sa clean-up ng oil spill dulot ng lumubog na MT Princess Empress kasunod ng Japan at ng US.
Parehong nagpadala ang Japan at US ng oil at environmental experts at nag-donate rin ng mga kagamitan.
- Latest
