Dating pulis, 1 pa todas sa drug bust
MANILA, Philippines — Kapwa nasawi ang dating pulis at kasamahan nang makaengkuwentro ang mga otoridad sa naganap na drug buy-bust operation, kamakalawa sa Naga City.
Nakilala ang dating pulis na si Cpl. Albert Gumba na sinibak sa serbisyo at isa pang high value target na hindi pa tukoy ang pagkakakilanlan.
Ayon kay BGen. Warren de Leon, hepe ng Philippine National Police-Integrity Monitoring Enforcement Group (PNP-IMEG) na nakatanggap sila ng impormasyon na sangkot sina Gumba sa transaksiyon ng iligal na droga sa San Isidro, Naga City.
Agad na isinagawa ang buy-bust operation kung saan isang tauhan ng IMEG ang nagsilbing poseur buyer, subalit nakatunog ang mga suspek na humantong sa barilan na ikinasawi ng mga ito.
Nasamsam sa crime scene ang ilang pakete ng shabu na nagkakahalaga ng P47,600 at dalawang 45 kalibre ng baril.— Jorge Hallare
- Latest
