Iskul sa Quezon City binulabog ng bomb threat
MANILA, Philippines — Isang paaralan sa Quezon City ang binulabog ng bomb threat kahapon.
Ayon sa ulat, kinailangang pauwiin sa kani-kanilang mga tahanan ang mga estudyante at mga guro ng San Francisco High School dahil dito.
Kagyat naman na nagtungo ang mga otoridad sa naturang paaralan at binusisi ang di-umano’y bag na iniwan sa naturang paaralan.
Batay sa pagsisiyasat, sinabi ng Quezon City Police District (QCPD) na wala silang nakitang bomba o anumang pampasabog sa lugar.
Nananatili naman sa loob ng paaralan ang pulisya at mga opisyal ng barangay upang magsagawa ng monitoring.
- Latest