Marcos, Sara iba pang gabinete angat sa survey

MANILA, Philippines — Sa isinagawang nationwide survey ay nakatanggap ng mataas na “approval” at “trust” ratings sina Pangu­long Ferdinand Marcos Jr. at Bise Presidente Sara Duterte.

Batay  sa Ang “Boses ng Bayan” survey na isinagawa ng RP-Mission and Deve­lopment Foundation, Inc. (RPMD) mula Nob­yembre 27 hanggang Dis­yembre 2, ay nagsiwalat na 83% ng mga respondent ay nasiyahan sa pagganap ng trabaho ni Pangulong Marcos at 81% ng mga nasuri ang nagpaha­yag ng pagsang-ayon kay Bise Presidente Duterte.

Karamihan sa mga res­pon­dent ay nagbigay din ng mataas na trust rating sa da­lawa na kapwa nakakuha ng 87%.

Ang mga detalye ng satis­faction rating ni Marcos ay nagresulta sa pagiging pi­­na­­kamataas sa Mindanao na may 87% at pinakamaba­ba sa Metro Manila na may 73%.

Habang ang satisfaction rating ni Duterte ay naglala­rawan ng pinakamataas sa Mindanao na may 98% at pinakamababa sa rehiyon ng Luzon na may 70%.

Si DILG Secretary Benhur Abalos Jr. ay nangu­nguna sa pag-apruba ng 78% at 83% trust rating sa mga Cabinet secretaries; DICT Secretary Ivan John Uy- na may appro­val na 74% at 89% trust rating;DBM  Secre­ta­ry Amenah Pangandaman-73% approval at 67% trust rating; DMW Secretary Susan Ople-71% approval at 68% trust rating;DOT Secretary Christina Garcia-Frasco-70% approval rating at 65% trust rating.