30% Pinoy umaming gumanda ang buhay sa 2022
MANILA, Philippines — Nasa 30 porsyento ng mga pilipino ang naghayag na gumanda ang kalidad ng kanilang pamumuhay ngayong 2022 kumpara noong nakaraang taon, base sa pinakahuling survey ng Social Weather Station (SWS).
Ayon sa SWS survey, 29 porsyento ang nagsabi na sumama naman ang lagay ng kanilang pamumuhay ngayong taon at nasa 41% ang nagsabing walang naging pagbabago sa kanilang pamumuhay.
Isinagawa ang survey noong Setyembre 29 hanggang Nob. 2 sa pamamagitan ng face-to-face interview sa 1,500 respondents o may 300 bawat isa ang tinanong sa Metro Manila, Visayas at Mindanao at 600 respondents sa Balance Luzon.
Ang mga respondents ay kinuha ang reaction sa tanong na “Kung ikukumpara ang uri ng inyong kasalukuyang pamumuhay sa nakaraang 12 buwan, masasabi ba ninyo na ang uri ng inyong pamumuhay ay mas mabuti kaysa noon, kapareho ng dati o mas masama kaysa noon.
Ayon sa SWS may sampling error margins na ±2.5 percent sa national percentages, ±5.7 percent bawat isa sa Metro Manila, Visayas at Mindanao samantalang ±4.0 percent sa Balance Luzon.
- Latest
