EPIRA law irerepaso ng Senado
MANILA, Philippines — Upang mapababa ang bayarin sa kuryente, pinapaamyendahan ni Senate President Juan Miguel Zubiri ang Electric Power Industry Reform Act (EPIRA).
Nais ni Zubiri na repasuhin at pag-amyenda sa probisyon ng EPIRA na nagpapahintulot sa mga power generating companies o gencos na ipasa sa consumers ang lahat ng gastusin sa generation ng kuryente.
Paliwanag ng Senador, dahil dito kaya pinaasa ng mga gencos sa kanilang consumers ang halaga ng pagtataas sa presyo ng krudo o coal o gatong sa mga planta maging ang pagtataas ng halaga ng dolyar at iba pang foreign currency na gamit sa krudo.
Kailangan din umanong masiyasat kung talagang imported ang mga gatong na ginagamit ng mga gencos para matukoy kung nararapat ang pagpapasa sa mga consumers ng pagtataas ng halaga ng dolyar.
Puntirya rin niya sa pagrepaso sa EPIRA ang patakaran ngayon sa mga electric cooperative na walang patumangga sa doble hanggang tripleng pagsingil partikular ang mga nasa Mindanao at bahagi ng Visayas.
Sinabi ni Zubiri na ipapatawag nila ang Energy Regulatory Commission (ERC) para matanong kung inaprubahan nito ang mga pagtataas ng mga electric cooperative at kung nao-audit ng maa-yos ang mga kooperatiba.
- Latest
