MANILA, Philippines — Isang babaeng sangkot sa bentahan ng ilegal na droga ang itinumba nang barilin sa ulo habang kasagsagan ng malakas na ulan sa Quezon City, kamakalawa ng gabi.
Ang nasawing biktima ay kinilalang si ‘Sheryl,’ 43, ng Brgy. Santa Monica, Novaliches ng lungsod.
Sa ulat ng Quezon City Police District (QCPD)-Batasan Police Station 6 (PS-6), pasado alas-9:00 ng gabi ay kasagsagan ng malakas na pag-ulan nang barilin sa ulo ang biktima sa ibaba ng San Fabian overpass, Commonwealth Avenue kaya’t nahirapan ang mga imbestigador na makahanap ng mga testigo sa krimen.
Dati na umano itong nakulong sa drug charges noong Mayo at nakalalaya lamang ngayon matapos na makapaglagak ng piyansa ang biktima.