MANILA, Philippines — Nagsumite ng “petition letter” ang iba’t ibang grupo ng jeepney drivers/operators sa Land Transportation Franchising and Regulatory Board (LTFRB) na humihiling na muling ibalik ang dati nilang ruta o biyahe ng mga pampasaherong sasakyan na nakasaad sa kanilang mga prangkisa.
Sa petition letter na isinumite sa LTFRB ng grupong ALTODAP, Pasang Masda at ACTO, nakabalik na naman ang dami ng bilang ng pasahero kaya’t marapat lamang na ibalik na ang kanilang mga dating ruta.
Matindi anila ang epekto sa kanilang hanapbuhay ang patuloy na dagdag-presyo ng gasolina kaya’t marapat lamang na maibalik na ang kanilang mga dating ruta.