MANILA, Philippines — Tatlong katao ang naiulat na nasawi nang magpaulan ng putok ng baril sa Buluan, Maguindanao sa kasagsagan ng Halalan 2022, kahapon.
Sa inisyal na ulat na nakarating sa 16th Military Intelligence Company, naganap ang insidente bandang alas-7:25 nang umaga nang paulanan ng putok ng mga sakay ng dalawang puting van ang mga miyembro ng Barangay Peacekeeping Action Team (BPAT), na naka-duty sa Pilot Elementary School.
Lahat ng mga nasawi ay mga miyembro ng BPAT, na kinilalang sina Misuary Dimapalao, Sajid Kamama, at Tata Bulilo.Habang nasugatan ang isa nilang kasama na si Jadid Ulangkaya na pawang supporters ni Mayoral aspirant Babydats Mangudadatu ng Buluan, Maguindanao.
Ang Buluan, Maguindanao ay kabilang sa 24 bayan na nasa ilalim ng Comelec control.