MANILA, Philippines — Magiging libre sa publiko ang ‘entrance fee’ ng Manila Zoo sa buong buwan ng Enero makaraang aprubahan ito ni Manila City Mayor Isko Moreno.
Ngunit magkakaroon lamang ng takdang bilang ng mga bisita na maaaring makapasok sa loob ng isang araw dahil sa konsiderasyon pa rin sa pandemya habang magiging ‘first-come, first serve’ ang basehan ng pagpapapasok.
“The capacity of Manila Zoo at 5.5 hectares of space is 17,028 kung walang COVID,” ayon kay Moreno.
Kung susundin ang dalawang metrong ‘physical distancing’, aabot ang kapasidad ng zoo sa 6,257 lamang.
Dahil dito, ang hindi agad makakapasok sa ‘menagerie’ ay kailangang maghintay sa parking lot.
Hindi pa naman handa ang ‘online reservations at payments’ para sa mga bisita dahil sa wala pa naman umanong access ang karamihan sa mga mahihirap sa internet.