Pari na ‘fully vaccinated’ patay sa COVID-19
MANILA, Philippines — Isinara muna ang San Roque Cathedral sa Caloocan City matapos mamatay sa COVID-19 ang pari kamakalawa ng umaga.
Ayon kay Catholic Bishops’ Conference of the Philippines president-elect at Diocese of Kalookan Bishop Pablo Virgilio David, nagpositibo sa isinagawang post-mortem swab testing si Fr. Manuel Jadraque Jr (“Fr. Mawe”) Mission Society of the Philippines.
Sinabi ni David na galing sa Monumento si Fr. Mawe at sumakay ng tricycle patungong cathedral noong Sabado ng umaga at kapansin-pansin na matamlay ito at hindi masyadong makapagsalita.
Agad nila itong dinala sa ospital, subalit idineklarang dead on arrival.
Si Fr. Mawe 58, ay fully vaccinated at “very healthy.”
Hiniling nila na isailalim si Fr. Mawe sa genome testing upang malaman kung anong coronavirus variant ang nakahawa. - Ludy Bermudo
- Latest
