MANILA, Philippines — Iniulat ng Department of Health na ang 18 sa 47 kumpirmadong COVID-19 Delta variant case sa bansa ay hindi pa bakunado laban sa COVID-19.
Ito ang sinabi ni Health Undersecretary Maria Rosario Vergeire, dalawa lamang dito ang ‘fully vaccinated’ habang ang apat ay nakakaisang dose pa lamang.
Sinabi ng DOH na kasalukuyan pang bineberipika ang 23 kaso kung nabakunahan na rin laban sa COVID.
Hindi naman inilahad ng DOH ang impormasyon sa kung anong brand ng bakuna ang naiturok sa mga nagpositibo sa Delta variant.
Base sa datos ng DOH, 47 ang kabuuang bilang ng nagpositibo sa Delta variant kung saan walo ang aktibo; 36 ang nakarekober; at tatlo ang nasawi.