2% ng 109 milyong Pinoy bakunado na kontra COVID-19
MANILA, Philippines — Inihayag ni Health Undersecretary at treatment czar Dr. Leopoldo Vega na aabot pa lamang sa dalawang porsyento ng populasyon ng bansa ang nakakumpleto na ng bakuna kontra COVID-19 sa halos tatlong buwan ng ‘vaccination program’ ng pamahalaan.
Anya, halos dalawang milyon pa lamang sa 109.48 milyong populasyon ng bansa ang nakakumpleto na ng dalawang dose ng bakuna mula nang umpisahan ang vaccination nitong Marso 1.
Inamin ni Vega na sa naturang numero, mahihirapang maabot ang target nila na makapagpabakuna ng 50% hanggang 70% ng populasyon ng bansa bago matapos ang kasalukuyang taon.
Para maabot ang naturang target, kailangang mabakunahan ang average na 500,000 indibidwal kada araw na depende naman sa dumadating na suplay ng bakuna sa bansa.
Ipinayo ni Vega na mga brand na AstraZeneca, Sinovac at iba pang bakuna na hindi masyadong sensitibo sa temparatura ang dalhin sa mga malalayong lugar upang maserbisyuhan rin ang mga mamamayan sa mga kanayunan.
- Latest