MANILA, Philippines — Iniulat kahapon ng OCTA Research Group na bumaba ng may tatlong porsyento ang bilang ng bagong kaso ng COVID-19 sa Pilipinas o may 6, 430 mula Hunyo 4 hanggang Hunyo 11 .
Batay sa pinakahuling ulat ng OCTA, ang reproduction number sa bansa ay naitala sa 1.02, na nagpapakita ng patuloy na hawahan ng virus.
Samantala, ang 27% ng bagong kaso ng COVID-19 sa bansa ay mula sa Metro Manila, Cavite, Laguna, Bulacan, at Rizal sa nakalipas na linggo.
Bukod dito, iniulat din ng OCTA na may malaking pagtaas ng kaso ng bagong Covid-19 sa Negros Oriental-173 daily cases, Leyte-162 bagong kaso, at Agusan del Norte, 111 bagong kaso mula Hunyo 4 hanggang Hunyo 11.
Mataas naman ang healthcare utilization rates sa Iloilo, Cagayan, Misamis Oriental, Negros Oriental, at Agusan del Norte .
Ayon sa OCTA, ang local governments na may mataas sa 10 per 100,000 average daily attack rate (ADAR) ay kinokonsiderang high risk.