18-anyos estudyante pumalag sa holdap, utas
MANILA, Philippines — Dead on the spot ang isang 18-anyos na estudyante makaraang barilin sa ulo ng isa sa dalawang holdaper na umagaw sa tablet nito sa CCF Village, Barangay Mayo Parade, Lucena City, kamakalawa ng gabi.
Kinilala ang nasawing biktima na si Angelo Andes, estudyante sa Mayao Parada Agricultural Integrated High School at residente ng Purok Maabo.
Sa imbestigasyon, alas-7:00 ng gabi ay naglalakad ang biktima at kaibigang si alyas Jomar sa likurang bahagi ng naturang paaralan nang banggain ng dalawang hindi nakikilalang lalaki.
Nagdeklara ng holdap ang mga suspek at inutusan ang biktima na ibigay sa kanila ang tablet at dahil ito ang kanyang ginagamit sa sa kanyang on line classes ay pumalag ito at nakipagbuno sa isang suspek.
Gayunman ay binaril naman ito sa ulo ng isa pang holdaper gamit ang hindi pa tukoy na kalibre ng baril.
Hindi naman sinaktan ng mga suspek ang kaibigan ng biktima at nang makuha ng mga ito ang tablet ay nagtatakbo patakas.
- Latest