Hawaan ng COVID-19 sa NCR bumaba
MANILA, Philippines — Batay sa latest report ng OCTA Research ay nagkaroon ng pagbaba ang reproduction number ng COVID-19 sa National Capital Region na umabot sa 0.99
Gayunman, sinabi ng grupo hindi pa rin garantiya na tuluyan na ngang pababa ang reproduction number ng virus. “Bumaba na ang reproduction number natin. It’s 0.99 in NCR, in fact less than one na siya. Pero ngayon pa lang, medyo unstable pa ang trend. Hindi pa yan patuloy na pagbaba. Di pa yan guarantee na patuloy ang pagbaba ng bilang ng kaso,” sabi ni Prof. Guido David ng OCTa Research Team.
Ang reproduction number ay ang bilang ng tao na maaaring mahawahan ng isang tao na infected ng COVID-19.
Ayon kay David, ang daily average ng COVID-19 cases ngayon ay 4,300 mas mababa ito kung ikukumpara sa 5,100 noong nagdaang linggo. Ang positivity rate din anya ay pumalo sa 22% na mas mababa sa 25% noong April 10.
Gayunman, sinabi ni David na patuloy na puno ang mga ospital ng mga pasyente ng COVID-19.
- Latest