Variant na ‘di ma-detect ng RT-PCR test, sumulpot
MANILA, Philippines — Binalaan agad ng OCTA Research Group ang gobyerno na magpatupad ng paghihigpit matapos na madiskubre sa France ang variant na mahirap ma-detect sa RT-PCR test.
Sinabi ng OCTA, kailangan umanong gumawa ng mahigpit na hakbang ang gobyerno sa mga magbabalik-bayang Pinoy.
Kalagitnaan ng Marso nang sabihin ng French authorities na iniimbestigahan nila ang bagong variant na unang nakita sa western Brittany region na mahirap makita sa COVID-19 test, pero hindi naman ito mas delikado o mas nakahahawa.
Ayon kay OCTA Research member Guido David, kailangang palakasin ng pamahalaan ang contact tracing at COVID-19 testing nito.
“May bagong variant na hindi na-dedetect ng PCR test… Kung ganun ibig sabihin ayusin natin ang international travel protocols natin,” ani David.
Inirekomenda ng OCTA na dapat sumailalim sa sapilitang quarantine period ang mga pauwing Pinoy overseas para makasiguro.
- Latest
