MANILA, Philippines — Namatay noon din ang isang 15-anyos na binatilyo nang pagsasaksakin ng kapwa niya binatilyo naganap kamakalawa ng gabi sa Brgy. Hamoraon, Minabalac, Camarines Sur.
Lumuwa ang bituka ng biktimang si Darwin Cortez Dotillos, ng Brgy. Bagoladio, Bula habang sinampahan ng kasong pagpatay ang suspek na itinago sa pangalang Noel,15-anyos, ng Zone-5, Sitio Pag-asa, Brgy. Salingogon.
Sa ulat, alas-7:30 ng gabi sa hindi pa malamang dahilan ay walang kaabog-abog na pinagsasaksak ni Noel ang biktima sa tiyan.
Mabilis na sinaklolohan ng mga residente ang biktima at tinalian ang malaking sugat sa tiyan makaraang makitang lumuwa ang bituka nito na agad nitong ikinasawi.